استفسر الآن

لأصحاب المتاجر اللي يعلنون في

وش رح أقول عنمنتجاتي اليوم؟

لو تسأل نفسك هالسؤال، فأنت حاس إن فيديوهاتك القديمة ما عاد تجذب مثل اول..

الفيديو اللي أقنع الناس قبل شهر، ما يقنعهم اليوم

وشغلتنا.. نسلم لك فيديوهات تجدد دماء إعلاناتك كل يوم

استفسر حول الخدمات

عثمان عثمان · أدار أكثر من 100 حملة إعلانية

من شغلنا

إعلاناتنا تنفهم من أول ثانية…حتى بدون صوت

أغلب الناس يتصفحون والصوت مقفل. عشان كذا الهوك عندنا مكتوب على الشاشة من أول لقطة، يفهمه العميل حتى لو ما شغّل الصوت.

  • إعلان مقشر جسم بالقهوة
  • إعلان عطر: هذا العطر اللي الكل يسألني عنه
  • إعلان صابونة أعشاب للشعر
  • إعلان منتج للشعر: اكتشفت سر شعر أخوي
  • إعلان قارورة: لا تشتري قارورة
  • إعلان يد ألعاب: 10000 لعبة بين يدك بدون نت
  • إعلان مضغوطات الشعر والفيتامينات

الأحمر هو الهوك: أول ثانية في الإعلان

أول ثانية تجاوب على 3 أسئلة:

  • وش المنتج؟يبان من أول لقطة ومكتوب على الشاشة، بدون ما يحتاج يخمّن.
  • لمين؟العميل يشوف نفسه أو مشكلته فيه مباشرة.
  • ليش يكمل؟سؤال أو وعد يشدّه للثانية اللي بعدها.

والوضوح هذا هو اللي يخلي العميل يوقف عند إعلانك، بدل ما يسحب عليه.

معلومة تهم كل معلن

ليش إعلانك يفقد فعاليته مع الوقت؟

مو شرط منتجك صار أسوأ، ولا جمهورك اختفى. أحيانًا السبب أبسط مما تتوقع: نفس الناس شافوا نفس الفيديو مرات كثيرة، ومع التكرار يقل انتباههم وتبدأ تكلفة الطلب ترتفع.

أداء الإعلان مع الوقت

بداية الإعلان تراجع الأداء تشبّع الجمهور
بداية الإطلاقبعد عدة أيامبعد تكرار المشاهدة
  • النتائج
  • تكلفة الطلب
رسم توضيحي لاتجاهات الأداء المحتملة

وش يصير لإعلانك بالضبط؟

  1. 1

    يشتغل

    أول ما تنشره، المنصة تعرضه للناس اللي تتوقع يتفاعلون معه أكثر. هنا تجيك أرخص النتائج.

  2. 2

    يرجع لنفس الوجوه

    الجمهور اللي يناسبك محدود. فالمنصة تبدأ تعرض نفس الفيديو لنفس الناس مرة ثانية وثالثة.

  3. 3

    العين تتعود عليه

    اللي شافه أكثر من مرة يعرفه من أول ثانية ويسحب. المشاهدة الكاملة تنزل، والضغطات تقل.

  4. 4

    المنصة تغلّيه عليك

    لما التفاعل ينزل، المنصة تعتبره إعلان ضعيف وترفع عليك سعر الظهور. فتكلفة الطلب ترتفع وأنت ما غيرت شي.

كيف تعرف إن إعلانك بدأ ينحرق؟

  • التكرار (Frequency) يتعدى 3 تقريباً: يعني الشخص الواحد شاف إعلانك أكثر من 3 مرات.
  • نسبة الضغط (CTR) تنزل أسبوع ورا أسبوع.
  • تكلفة الطلب ترتفع وأنت على نفس الميزانية ونفس الاستهداف.
  • ترفع الميزانية والطلبات ما تزيد.

الحل مو إنك توقف الإعلان… الحل فيديو جديد

كل فيديو جديد يرجّع العداد للصفر: شي جديد للعين، وفرصة جديدة عند المنصة.

فيديو واحد، ضد فيديو جديد كل فترة

اليوم الأولبعد شهر
  • فيديو واحد
  • فيديوهات جديدة
  • نزل فيديو جديد

بس لازم يكون جديد فعلاً، مو نفس الفيديو بلون ثاني:

  • هوك جديد
  • زاوية جديدة
  • وجه جديد
  • صيغة جديدة
المنصات اليوم تعرف الفيديوهات المتشابهة، وتعاملها كأنها فيديو واحد.
استفسر حول الخدمات

خدماتنا

كل اللي يحتاجه إعلانك عشان يرجع يبيع

ما نسلّمك فيديو وننسى. نشتغل على إعلاناتك بشكل مستمر عشان يكون عندك دايمًا شي جديد ينزل قبل ما القديم يفقد فعاليته.

  • أفكار وسكربتات تبيع

    نكتب الهوك والفكرة والسكربت بلغة جمهورك، بحيث العميل يفهم المنتج من أول ثانية.

  • فيديوهات إعلانية جاهزة للنشر

    فيديوهات عمودية مصممة لسناب شات وتيك توك وإنستقرام، والهوك مكتوب على الشاشة يشتغل حتى بدون صوت.

  • تجديد مستمر للإعلانات

    نسخ جديدة بهوك جديد وزاوية جديدة ووجه جديد، عشان جمهورك ما يمل وتكلفة الطلب ما ترتفع.

  • قراءة أداء إعلاناتك

    نشوف وش اللي شغّال ووش اللي بدأ يتشبّع، ونبني الفيديوهات الجاية على الأرقام مو على التخمين.

استفسر حول الخدمات

وش الفرق؟

إعلان واحد تعتمد عليه… ولا إعلانات تتجدد؟

الطريقة المعتادة

  • فيديو واحد يشتغل لين يفقد فعاليته
  • نفس الجمهور يشوفه مرة ورا مرة
  • تكلفة الطلب ترتفع وما تعرف ليش
  • تحتار كل مرة: وش أصوّر اليوم؟

مع سكيلز

  • فيديوهات جديدة تنزل باستمرار
  • كل فيديو بهوك وزاوية مختلفة فعلاً
  • تعرف وش اللي يشتغل من الأرقام
  • تركّز على متجرك، وإحنا نفكر عنك

كيف نشتغل

من أول رسالة لين أول فيديو

خطوات واضحة، وتعرف كل مرحلة وش يصير فيها.

  1. 1

    تتواصل معنا

    رسالة على واتساب، تعطينا فكرة عن متجرك ومنتجاتك والمنصات اللي تعلن فيها.

  2. 2

    نفهم منتجك وجمهورك

    نشوف إعلاناتك الحالية، ونحدد وش اللي يقنع عميلك ووش اللي صار مكرر.

  3. 3

    نكتب الأفكار والهوكات

    زوايا مختلفة لنفس المنتج، كل وحدة تخاطب سبب مختلف يخلي العميل يشتري.

  4. 4

    نسلّم ونجدد

    تستلم فيديوهات جاهزة للنشر، ونكمل نجددها كل ما بدأ الأداء يتراجع.

من المدونة

نصائح تخلي إعلانك يبيع

مقالات قصيرة وعملية تقدر تطبقها على إعلاناتك اليوم.

كل المقالات

محتوى تعليمي

أشرح كل شي في قناتي على يوتيوب

ليش الناس ما تشتري، وكيف تخلي إعلانك واضح ومقنع ويجيب عملاء فعليين.

عثمان عثمان@Osman_ec
اشترك في القناة
شوف كل الفيديوهات

أسئلة شائعة

أسئلة تتكرر علينا

على أي منصات تشتغل الفيديوهات؟

نجهز الفيديوهات بالمقاس العمودي المناسب لسناب شات وتيك توك وإنستقرام، وتقدر تستخدمها في الإعلانات الممولة أو المحتوى العادي.

ليش أحتاج فيديوهات جديدة باستمرار؟

لأن نفس الجمهور يشوف نفس الفيديو أكثر من مرة، ومع التكرار يقل انتباهه وترتفع تكلفة الطلب. الفيديو الجديد يرجّع الانتباه ويعطي المنصة فرصة جديدة.

هل الإعلانات تنفهم بدون صوت؟

إيه. الهوك والرسالة الأساسية مكتوبة على الشاشة من أول لقطة، لأن أغلب الناس يتصفحون والصوت مقفل.

كم التكلفة؟

تعتمد على عدد الفيديوهات ونوعها واحتياج متجرك. راسلنا على واتساب ونوضح لك الخيارات المناسبة لك.

كيف أبدأ؟

اضغط على زر "استفسر حول الخدمات" وراسلنا على واتساب، ونرد عليك بالتفاصيل.

جاهز تبدأ؟

جدّد إعلاناتك قبل ما تفقد فعاليتها

راسلنا وقول لنا عن متجرك، ونوضح لك وش الأنسب لمتجرك.

استفسر حول الخدمات
  • تواصل مباشر على واتساب
  • رد واضح بدون تعقيد
استفسر حول الخدمات